"व्हॉट्सॅप म्हणजे काय ?"
.........................................
तत्वज्ञानाचे डोस असतात,
असतात संता बंताच्या गोष्टी,
व्हाॅट्सवरल्या नवराबायकोत नवराच नेहमी कष्टी...!
कविता,कोडी, व्हिडिओ, फोटो,
पोस्टत राहायचं भरभर,
व्हाॅट्सअप म्हणजे काय दुसरं,
इधर का माल उधर...!
मेसेजला बोटाने टचायचं,
दुस-यांच्या घरात ढकलायचं,
उत्तरादाखल 👌👍 असं करत,
स्माइलीतूनच फक्त बोलायच...!
गावगप्पा, उगाच गाॅसिप,
भावनांचा नसतो पदर,
व्हाॅट्सअप म्हणजे काय दुसरं,
इधर का माल उधर..!
क्वचित कधीतरी 'वाहवा' करत,
द्यायची असते एखादी दाद,
'ग्रुपवर' नव्या मेंबरसाठी
वेलकम म्हणत घालावी साद...!
लहानमोठ्या कोणासाठी
बाळगायचा नसतो आदर,
व्हाॅट्सअप म्हणजे काय दुसरं,
इधर का माल उधर..!
प्रत्येक ग्रुपवर अखंड चालतो,
न ठरणा-या पिकनीकचा प्लान,
वनडे आऊटींग, गेट-टूगेदर ची चर्चा,
रिस्पाॅन्सही त्याला येतो छान...!
त्या चर्चांचं होत नाही,
कधीच सत्यात रुपांतर,
व्हाॅट्सअप म्हणजे काय दुसरं,
इधर का माल उधर...!
घरातल्यांशी बोलातानाही
व्हाॅट्सअप वर एक डोळा,
घरची नाती डळमळीत,
अन आक्ख गाव केलं गोळा...!
माझंही आता व्हाॅट्सअप 'ट्युंग' वाजलं,
बाकीचं सांगेन नंतर,
पण व्हाॅट्सअप म्हणजे
काय हो शेवटी...
इधर का माल उधर..!
No comments:
Post a Comment